Aruparking ta socializa su tarifanan di parkeo mensual entrante 1 di juli

Aruparking ta introduci 50cent pa 15 minuut…
April 26, 2016
Campaña special pa Dia di Tata
June 9, 2016

Aruparking ta socializa su tarifanan di parkeo mensual entrante 1 di juli

Entrante 1 di juli Aruparking ta cuminsa cu parkeo social. For di e dia aki tur esnan cu ta traha den caya y tin un werkparkeervergunning cu Aruparking lo bay conoce un tarifa mensual nobo dependiendo di nan salario.

13331119_284042201934485_1275220169446133469_n

Sr. Teo Croes, a indica cu riba peticion di Minister Otmar Oduber y Promer Minister Mike Eman, como tambe FTA y siguiendo e resultadonan di e encuesta haci pa Aruparking, a tuma e decision cu lo adapta e tarifanan mensual di parkeo.

Esakinan ta bira como lo siguiente:

Esnan cu tin un salario te cu Afl. 1,700 pa luna lo paga 25 Florin pa luna.

Esnan cu tin un entrada entre Afl. 1,700 y 2,000 pa luna lo paga 35 Florin pa luna.

Salarionan entre Afl. 2,001 y 2,500 pa luna lo paga 45 Florin pa luna y salarionan riba Afl. 2,500 pa luna lo sigui paga e 60 Florin cu ta wordo cobra na e momentonan aki.

Di e forma aki, Aruparking ta contribui cu e trahadornan den centro di ciudad.

Pa por bin na remarca pa e tarifanan aki e trahador mester acudi na oficina di Aruparking den Wilhelminastraat cu carta di trabou mencionando su salario.

Leave a Reply

Your email address will not be published.