Aruparking a saca e ganadornan di Campaña di Fin di Aña

Aruparking ta ahusta orario di parkeo paga den cuadro di dianan di fiesta
December 16, 2016
Feliz Dia di Himno y Bandera
March 16, 2017

Aruparking a saca e ganadornan di Campaña di Fin di Aña

xmass-campaign-2016-a-fixed-2

Diahuebs mainta na oficina di Aruparking a saca e gandornan di e campaña di Fin di Aña.
Durante henter luna di december usuarionan di Aruparking por a participa den e campaña. Simplemente nan mester a yena nan nomber y number di telefon riba e recibo cu nan ta haya na e parkeermeter y deposita esaki na oficinanan di Aruparking of Arubus.

ganadornan
Aruparking pa medio di e campaña aki kier a promociona shopping den centro di ciudad y e uzo responsabel y organiza di parkeo. Varios persona a participa den e campaña cu a conta cu cooperacion di Setar pa e prome premio cu ta un tablet.
E di dos premio tabata 3 luna di parkeo gratis y e di tres premio 1 luna di parkeo gratis.

E ganadornan di e campaña a resulta den persona di:
Sergio Laurant cu a gana un luna di parkeo gratis
Andre cu number di celular 6412165 cu a gana tres luna di parkeo gratis y
Roberto Orman cu a resulta e ganador di e tablet.
Aruparking ta pidi e ganadornan pa por fabor pasa cu un documento di identidad valido na nos oficina situa den Wilhelminastraat entrante dialuna 9 di januari 2017 pa por reclama nan premio corespondiente.

3 2 1
Masha danki na tur cu a participa den e campaña di fin di aña y nos ta sigura nos usuarionan cu Aruparking lo continua den 2017 cu diferente campaña pa sigui promociona nos centro di ciudad.

Leave a Reply

Your email address will not be published. Required fields are marked *