Aruparking yegando mas cerca di usuarionan. Ta busca e mihor posibilidadnan pa eleva e calidad di servicio na cliente.

Aruparking yegando mas cerca di usuarionan. Ta busca e mihor posibilidadnan pa eleva e calidad di servicio na cliente.

Mirando e reaccion sumamente positivo cu Aruparking a ricibi pa loke ta introduccion di nos app iParkMe entrante 8 di juli proximo, lo trece mas informacion riba e aplicacion aki pa smartphones.
For di basta luna caba Aruparking tabata mirando e diferente opcionnan cu tin riba mercado mundial pa loke ta aplicacionnan di parkeo riba celular. Despues di un analisis extensivo a tuma e decision cu lo bay cu e aplicacion di iParkMe y e app lo ta den operacion cuminsando 8 di juli 2016, brindando asina mas opcion di servicio na nos clientenan, facilitando di e forma aki e forma di pago pa parkeo.

Screenshot_20160701-080228

Aruparking kier enfatiza cu iParkMe por wordo download gratuitamente, es decir, no mester paga pa bahe riba celular na e appstore di preferencia di e cliente of riba website di Aruparking aruparking.com.

E app iParkMe lo facilita ora cu un persona por ehempel ta den un meeting, e ta comiendo of ta shop, e no mester bay bek te na un parkeermeter pa extende su tempo di parkeo. Ta trata di un servicio opcional, e cliente mes ta dicidi si e ta haci uzo di iParkMe of ta prefera di uza e otro opcionnan di pago manera ta e smartcard of cash na e parkeermeter mes.

Na momento cu haci uzo di iParkMe lo tin un costo di 3 Dollar pa luna y e suma aki ta cubri henter e luna, es decir por haci uzo di e app 1, 2, 3 of cuanto biaha cu e usuario tin mester. E 3 Dollar aki ta pa cubri e servicio cu e compania ta provee, es decir, e no lo bay pa Aruparking. E compania a ofrece e prome 2 lunanan gratis pa asina e usuarionan siña conoce e servicio di iParkMe y despues uze na momento cu nan desea.

Aruparking a tuma e decision di bay cu e opcion aki despues di a compara e diferente opcionnan. Na Hulanda por ehempel, mester paga pa e app y tambe pa e sms cu ta wordo manda y na Merca tin diferente unda cu e cliente mester paga pa transaccion di entre otro 35 cent di Dollar cada biaha cu haci uzo di e app, cual lo sali hopi mas costoso cu e 3 Dollar pa uzo ilimita pa luna.
Durante e prome dos lunanan di servicio di iParkMe Aruparking lo evalua e posibilidad cu por ehempel si uza mas di X cantidad pa luna lo no mester paga e tarifa di 3 Dollar of algun otro incentivo, buscando asina e mihor manera pa sigui eleva e servicio cu nos ta brinda na usarionan.
Otro siman Aruparking lo ta presentando mas informacion cu sigur lo ta na beneficio di tur esnan cu ta bishita centro di ciudad.

Leave a Reply

Your email address will not be published. Required fields are marked *